跟好朋友們食嘅生日飯當然要放肆一下🤗 所以呢幾日幸福嘅脂肪繼續擁護我🤣
而大家網上嘅祝福，雖未能一一回覆，但心意全部都收到晒😊🙏🏻🙏🏻🙏🏻 多謝你哋一直以來嘅陪伴💖 雖然我哋少見，又或者從來冇見，但網上一路上嘅支持和祝福，亦來得窩心。感激大家對我和阿Bu嘅關心和給予的空間。
過去一年過得不容易，由突然冇咗份full time工作，到幸運地跟MsKinny傾到個機遇，可以做到香港總代理，靠住好產品，硬住頭皮行到今日，未成功，但一個人總要努力搵路行落去。
我好想跟呢刻都爭扎緊嘅「你」講，尤其係媽媽，唔好害怕，you are not alone！路係要摸索出嚟的。如果覺得唔開心或覺得前路茫茫的話，首先提醒自己唔好放太多時間喺網絡上面，因為思緒混亂時，睇到人哋有嘅嘢，從而放大自己冇嘅嘢。反而用多啲時間搵朋友傾計，聽人哋講多啲，畀自己空間去思考多啲。亦唔好怕嘗試，我好明白當失去好多嘢嘅時候，更怕行出多一步，怕會失去更多。我同你一樣，一樣會驚，但經驗話我知，唔行出去就更加冇辦法走出死胡同。
永遠跟自己講，有得必有失，上天閂咗一道門，佢一定同時係開咗一扇窗畀我哋🌈
#生日感恩
#感恩失去的失敗過的
#媽媽創業日記
#我得㗎
#我得你都得
#大家香港人加油保重
Search